MREMBO ambaye amejizolea umaarufu mkubwa kutokana na umbo lake kuonekana kuwavutia watu mbalimbali, Jacqueline Obeid ‘Poshy’ amefunguka kuwa wanaoongoza kwa chuki na roho mbaya ya kumchukia na kumzushia maneno ni wanawake wenzake na siyo wanaume.

Akizungumza na Risasi Vibes, Poshy alisema kuwa, amegundua kuwa kuna watu wengi au wanawake wengine hawapendi kuona mwingine anaendelea, hivyo kumuwekea kila aina ya chokochoko ili kumtibulia mambo yake, jambo ambalo linamkera.

"Watu tu wanashindwa kuelewa kuwa huku duniani kila mtu ana bahati yake, hivyo ukiona mwenzako anafanikiwa au mwanamke mwenzako anafanya vizuri, mshike mkono uzidi kumfanya ainuke ili akuinue na wewe na sio kumponda kila kukicha maana huo unaitwa ni wivu, tena wivu usiokuwa na maendeleo kabisa,” alisema Poshy, ambaye hivi karibuni habari zake zilisambaa mitandaoni kuwa ana ujauzito wa mwanamuziki Diamond jambo ambalo.

KAMA ameiona njia usiku, mchana ni ganda la ndizi, full kutereza; ndivyo itakavyokuwa kwa msanii Zuhura Kopa ‘Zuchu’.

Uchunguzi unaonesha kuwa msanii huyo ambaye ni memba wa mpya wa Lebo ya Wasafi Classic Baby (WCB), ambaye aliweza kuchomoka kimuziki na kuwa tishio kipindi ambacho kasi ya Corona ilikuwa kubwa, anaweza kuoga utajiri nyakati hizi ambapo shughuli zote za kijamii zimefunguliwa na Serikali.

Zuchu ambaye Aprili mwaka huu alisajiliwa WCB, aliweza kufyatua nyimbo kali na kujipatia fedha kwenye mitandao huwenda kasi ya kupiga ‘mpunga’ mrefu ikaongezeka mara dufu atakapoanza kufanya shoo na matamasha mengine.

“Kwenye mtandao wa YouTube ameweza kutikisa na kupata fedha, namuona akipaa kisanii wapinzani wake wajipange, vinginevyo watarajie kupewa lifti na Zuchu,” mmoja aliandika kwenye ukurasa wake wa Instagram.

Kwa kipindi hiki kifupi tena chenye giza la Virusi vya Corona, Zuchu alifanikiwa kuwa tishio kwa mastaa wengine wa kike Bongo kama Faustina Charles ‘Nandy’, Zuwena Mohammed ‘Shilole’, Vannesa Mdee ‘V Money’ na Mariane Mdee ‘Mimi Mars’ na wengine kibao.

Kuchomoka kwa staa huyo wa kike kumetabiriwa na wengi kuwa huenda anakwenda kuwa malkia wa Bongo Fleva kama alivyokuwa msanii Lady Jaydee miaka kadhaa iliyopita.


MAMBO ALIYOYAFANYA

Kipindi chote cha janga la Corona, Zuchu aliweza kuachia Extended Playlist (EP), yake ambayo ilikuwa imekusanya nyimbo sita na zote zilifanya vizuri katika mtandao wa YouTube kwa kutazamwa na watazamaji lukuki.Kishindo cha aina yake alikiweka YouTube ambapo kwa muda mfupi kazi zake zimetazamwa mara Milioni 12 ndani ya muda wa miezi mitatu tu na kumfanya Zuchu kama Zuchu kuwa juu.

Aidha, hivi karibuni aliweza kuishika Serikali ya Awamu ya Tano ya Rais John Pombe Magufuli kwa kuachia ngoma iitwayo Tanzania ya Sasa.Katika wimbo huo ambao uliwashika vilivyo viongozi wa serikali umejaa mashairi yenye kusifia mafanikio yaliyofikiwa na serikali ya Magufuli.“Elimu ya msingi na sekondari bure Magufuli huyooReli yenye viwango bora standadi geji karibu inakamilika, Magufuli Hai“Baadhi ya viongozi walionesha kuvutiwa na ngoma hiyo, na kumsifia hadharani Zuchu, ni Waziri wa Maliasili na Utalii Hamisi Kigwangala.

SHOO MPYA

Kwa kipindi chote cha tishio la Corona na ujio wake msanii huyo hakuweza kufanya shoo yoyote, lakini baada ya Corona kufifia staa huyo chipukizi atafungua pazia lake la makamuzi jukwaani Juni 18 mwaka huu.Zuchu sambamba na menejimenti yake wameandaa shoo ya kufa mtu, siku hiyo ndani ya Ukumbi wa Mlimani City ambapo anatarajia kuvuna fedha ambazo huenda hajawahi kuzipata tangu amezaliwa.Inaonekana kuwa baada ya Zuchu kuonja utamu wa shoo huenda ndiyo ikawa safari moja ambayo itaanzisha nyingine.

MENEJIMENTI ITAMBEBA

Zuchu ni msanii ambaye amefanikiwa kuwa na menejimenti makini inayomsimamia, ambayo imetajwa mara kadhaa kuwa ndiyo inayomvusha kwenye msitu wa sanaa.Menejimenti hiyo ambayo iko chini ya Hamisi Tale ‘Babu Tale’, Said Fella ‘Mkubwa Fella’, pia inasimamia kazi za msanii Nasibu Abdul ‘Diamond’ ambaye ni bosi wa Zuchu, kwa mkono mwingine imekuwa na mipango mathubuti pamoja na platifomu ya kutosha kwenye mitandao ya kijamii ambayo ikiamua kufanya jambo, halishindikani.Ingawa hali ya Corona haijatulia dunia nzima, lakini kipindi hali itakapokuwa nzuri upo uwezekano wa Zuchu kuvuka mipaka ya nchi na kuwa msanii wa kimataifa

SEX Lady kunako anga la muziki wa Hip Hop, Rosary Robert ‘Rosa Ree’ amefunguka kuwa kwa sasa naye anatamani kuitwa mama.Akizungumza na Risasi Vibes, Rosa Ree amesema kuwa ndoto yake kubwa ilikuwa siyo kuwa msanii mkubwa, bali ni kuja kuwa na familia yake akiwemo, muwe pamoja na mtoto.

“Ndoto yangu ilikuwa siyo kuja kuwa msanii mkubwa, ndoto ambayo natamani siku moja itimie ni kuja kuitwa mama, natamani siku moja nije kuwa mke bora wa familia yangu,” alisema Rosa Ree ambaye muonekano wake ni wa ‘kigumu

Licha ya urembo alionao, Mwanamuziki wa Nyimbo za Injili nchini, Irene Robert, amesema bado hajaolewa kama watu wengi wanavyomzushia ila yupo kwenye uhusiano wa kimapenzi na Mungu akipenda atafunga ndoa na mpenzi wake huyo.

Irene ambaye anatamba hivi sasa na ngoma yake mpya ya Nivushe, amesema wakati wa Mungu ndio wakati sahihi zaidi hivyo ukifika basi atauaga ukapela.

Kuhusu historia yake ya muziki, Irene amesema amezaliwa na kukulia kwenye familia ya wacha Mungu, na alianza kuimba kwaya kanisani tangu akiwa mdogo na ndoto yake kubwa ilikuwa ni kuwa mwanamuziki mkubwa kama ilivyo sasa.

Chuo Kikuu cha Dar es Salaam (UDSM) kupitia kurugenzi ya ubunifu na ujasiliamali wametengeneza kifaa tiba (Ventilator) kwaajili ya kumsaidia mtoto mchanga mwenye matatizo ya upumuaji. 

Akizungumza katika maonesho ya 44 ya Sabasaba katika Viwanja vya Mwalimu Nyerere Jijini Dar es Salaam Mhandisi Majili Killo amesema wameamua kutengeneza kifaa tiba hicho ili kuweza kusaidia watoto hasa katika vituo vidogo vya afya ambavyo haviwezi kupata mashine hiyo kwa urahisi. 

Amesema kuwa Kurugenzi ya Ubunifu na Ujasiliamli iliyopo Chuo Kikuu cha Dar es Salaam unahifadhi vijana wabunifu na wajasilimali kufikia ndoto zao 

“Mimi pamoja na wanafunzi wangu tulikuwa na ndoto ya kutengeneza kifaa hili maalumu (Ventilator) kwaajili ya watoto wadogo wanapozaliwa siku 0 hadi 28 na zaidi ya hapo inawezekana amezaliwa kabla ya siku (Watoto njiti) au wamezaliwa kawaida lakini akapata shida ya changamoto ya afya”. Amesema Mhandisi Killo. 

Aidha Mhandisi Killo amesema kifaa tiba hicho hakina gharama pia kinaweza kutumika mahali ambapo umeme unatumika wa sola,jenereta au betri. 

Pamoja hayo Mhandisi Killo amesema kifaa tiba hicho kinauwezo wa kuangalia mwenendo wa moyo wa mtoto kama unamatatizo. 

Hata hivyo Mhandisi Killo amesema lengo la kutengeneza kifaa tiba hicho ni pamoja kuhokoa gharama pia kusaidia vituo vidogo vya afya kuweza kupata kifaa tiba hicho kwaajili ya kumlinda mtoto.

Waziri wa Mambo ya Nje wa zamani wa Tanzania na kada wa chama tawala cha Chama Cha Mapinduzi (CCM) wa miongo mingi Bernard Membe, anasema ikiwa vyama vya upinzani vitaungana na kumpa ridhaa ya kugombea nafasi ya Urais, basi atakuwa tayari kupambana na Rais John Magufuli katika uchaguzi mkuu ujao wa mwezi Oktoba mwaka huu. 

Membe amesifia sehemu ya utendaji kazi wa Magufuli, lakini ameyataja baadhi ya mambo ambayo anasema ikiwa hayatabadilishwa, basi yataitumbukiza nchini matatani. Katika mahojiano haya maalum na mwandishi wa BBC Sammy Awami kutoka nyumbani kwake, katika kijiji alichozaliwa Membe alianza kwa kutoa tathmini ya uongozi wa Rais Magufuli