Simba yakamilisha Vibali vya Nyota wa kigeni, Tayari kutua Misri
Download App ya Nijuze Tv kutazama mechi za ligi kuu Nbc bure, Epl, Laliga, Bundesliga, Seria A, Caf na nyinginezo pia app hii ina chanel za Azam tv na Dstv utaweza kuzitazama bure
Usikose kuitazama mechi za michuano ya CHAN na LIGI KUU TANZANIA BARA, MECHI ZA ULAYA LIVE bure kupitia Simu yako download App yetu itakayokuwezesha kuzitazama mechi hizi live bure pia ndani ya App yetu utaweza kutazama chanel za Azam tv na Dstv bure bonyeza HAPA kudownload app
Wakati msimu mpya wa Ligi Kuu Tanzania Bara ukikaribia, klabu ya Simba SC tayari imeanza maandalizi makali kwa ajili ya msimu huo kwa kuweka kambi maalum mjini Ismailia, Misri. Kundi la kwanza la wachezaji, ambalo lilijumuisha mastaa waliokuwa kikosini msimu uliopita pamoja na wachache wapya waliokamilisha taratibu zao mapema, tayari lipo kambini na linaendelea na mazoezi chini ya benchi la ufundi.
Hata hivyo, si wachezaji wote wameweza kuungana na kambi hiyo kwa wakati mmoja. Baadhi ya nyota, hasa wale wapya na wa kigeni, wamelazimika kusubiri kukamilika kwa vibali vyao vya kusafiria kabla ya kujiunga na wenzao. Uongozi wa Simba umethibitisha kuwa taratibu hizo sasa zimekamilika na kundi la pili la wachezaji linatarajiwa kuondoka jijini Dar es Salaam muda wowote kuungana na wenzao nchini Misri.
Mmoja wa viongozi wa Simba amesema kuwa ucheleweshaji huo umetokana na mfumo wa utoaji wa viza kwa wachezaji waliokuwa hawapo nchini na kwamba ni lazima wafike Dar es Salaam kwanza ili kushughulikia vibali vya kusafiria kabla ya kuelekea kambini.
Alitoa mfano wa Kibu Denis ambaye alifika nchini Jumatano na kuanza safari ya kujiunga na kambi siku ya Alhamisi, pamoja na kipa mpya Moussa Camara ambaye tayari ameanza mazoezi na kikosi.
Miongoni mwa majina ambayo mashabiki wamekuwa na shauku ya kuona akijiunga na kambi ni kiungo mshambuliaji kutoka DR Congo, Elie Mpanzu. Uongozi umeeleza kuwa mchezaji huyo atakuwa sehemu ya kundi la pili linaloelekea Misri mara tu taratibu zake zitakapokamilika.
Wakati huo huo, Simba inaendelea na zoezi la kutambulisha nyota wapya kwa msimu ujao. Baada ya kumtambulisha mshambuliaji Joonathan Sowah, taarifa zinaeleza kuwa Wekundu wa Msimbazi wanatarajia kutangaza usajili mwingine mkubwa muda wowote kuanzia sasa.
Kwa ujumla, maandalizi ya msimu mpya kwa upande wa Simba yanaonekana kuwa katika mstari sahihi. Licha ya changamoto ndogondogo, matarajio ni kuwa kikosi chote kitaungana mapema ili kuhakikisha kocha na benchi lake wanapata muda wa kutosha kuweka mambo sawa kabla ya pazia la msimu kufunguliwa.
Ligi Kuu msimu wa 2025/26 inatarajiwa kuanza Septemba 16 ambapo mapema michuano ya Ngao ya Jamii itapigwa kati ya Septemba 11 na Septemba 14
Usikose kuitazama mechi za michuano ya CHAN na LIGI KUU TANZANIA BARA, MECHI ZA ULAYA LIVE bure kupitia Simu yako download App yetu itakayokuwezesha kuzitazama mechi hizi live bure pia ndani ya App yetu utaweza kutazama chanel za Azam tv na Dstv bure bonyeza HAPA kudownload app
Post a Comment