Ilikuwa jioni yenye upepo mwanana, watu wakiwa wanapita kando ya mto, wengine wakiendesha baiskeli na wengine wakitembea tu. Ghafla, kelele za mshangao na vilio zilisikika. Mwanamke mmoja, akiwa amevaa gauni jeusi, alionekana akielekea majini kwa kasi.
Mashuhuda walieleza kuwa alionekana kama mtu aliyepoteza fahamu za kawaida. Baadhi walijaribu kumkimbilia, lakini tayari alikuwa ameingia majini, akipiga mbizi kana kwamba anatafuta kitu. Wengine walimsikia akisema kwa sauti ya kuomboleza:
“Mpenzi wangu, naona uko hapa… njooni tuongee, hata dakika moja tu!”
Kwa haraka, vijana wawili waliokuwa karibu waliruka na kumvuta nje ya maji. Alipowekwa salama, macho yake yalikuwa mekundu na sauti ikitetemeka. Aliwaeleza waliomzunguka kuwa amekuwa akipata ndoto zinazomuonyesha mpenzi wake aliyefariki miaka miwili iliyopita, ndoto ambazo zilikuwa halisi kiasi cha kumwambia atamkuta “karibu na maji.” Soma zaidi hapa
Post a Comment