BREAKING

Search here

TUFOLLOW UWE MIONGONI MWA WANAOTUMIWA HABARI KILA SIKU

Tuesday, 12 December 2017

PARACHICHI LINALOSADIKIWA KUWA KUBWA KUPITA YOTE DUNIANI



Mwanamke katika jimbo la Hawaii, Marekani huenda amepata parachichi kubwa zaidi duniani, taarifa zinasema.
Pamela Wang kutoka eneo la Kealakekua katika kisiwa cha Big Island anasema alikuwa nje kwenye matembezi alipoliona tunda hilo la uzani wa kilo 2.35 (5.2lb).

"Lilikuwa kubwa kama kichwa changu," aliambia gazeti la West Hawaii Today.

Bi Wang amewasilisha ombi rasmi kwa Guinness World Records kutaka litambuliwe kama parachichi kubwa zaidi kuwahi kupatikana duniani.

Mwaka 2009 parachichi la kilo 2.18 (4.8lb) kutoka Venezuela lilitambuliwa rasmi kuwa kubwa zaidi duniani.

Bi Wang anasema tunda hilo lilitoka kwa mparachichi wa zaidi ya miaka 40 ambao umekuwa karibu na barabara

Jimbo la Hawaii, tunda ambalo linatoka kwa tawi lililoning'inia barabarani au linaloanguka barabarani linaweza kuchukuliwa na mtu yeyote yule na liwe lake.

Amewasilisha picha za tunda hilo kwa West Hawaii Today.



Mwisho wa ujumbe wa Twitter wa @workmanalice

Bw Wang anatarajia kupata majibu kutoka kwa Guinness katika kipindi cha miezi miwili.

Anasema baada ya kulipima walilila tunda hilo kubwa na marafiki zake.

"Lilikuwa tamu sana. Mti huo ni mzuri sana. Tulikuwa watu 10 na hatukumaliza nusu ya parachichi hilo," anasema.

EDUSPORTSTZ inakutakia maandalizi mema ya siku. inakuomba kulike facebook page yetu au kufollow kupitia blog eneo la follow by email ili kutumiwa habari kwa wakati http://www.edusportstz.com ni fahari ya wasomaji
Follow web yetu na like facebook page yetu hapa kwa habari za uhakika,ni rahisi mno

No comments:

Post a Comment