Mwaka 2009 ulikuwa mwaka wa kumbukumbu kubwa kwa Rosie, binti mrembo mwenye mvuto wa kipekee. Katika mashindano ya urembo yaliyofanyika jijini Dar es Salaam, aliibuka kidedea na kutwaa taji la Miss. Kuanzia hapo maisha yake yalibadilika ghafla. Alipata nafasi ya kusafiri ndani na nje ya nchi, akipiga picha kwa majarida ya kimataifa, kushiriki matangazo ya bidhaa mbalimbali na pia kuwa sura ya kampeni kubwa za urembo.
Uzuri wake uliotajwa na wengi kama “baraka kutoka kwa Mungu” ulimfungulia milango mingi ya kipato. Alifahamiana na watu mashuhuri, wanasiasa, wanamitindo, na wafanyabiashara. Maisha yake ya kifahari yalikuwa mfano kwa mabinti wengi waliotamani kufuata nyayo zake. Kwa muda mrefu, jina la Rosie lilitawala vichwa vya habari, na picha zake zilikuwa zikionekana kwenye kurasa za mbele za magazeti na majarida ya burudani.
Lakini kama methali isemavyo, “maisha ni safari yenye milima na mabonde.” Kadiri miaka ilivyokuwa inasonga, hali isiyo ya kawaida ilianza kumtokea Rosie. Ghafla uso wake ukaanza kujaa vipele vikubwa na kuharibu mwonekano wake. Kile uso uliokuwa uking’arisha majukwaa, sasa ukaanza kupoteza mvuto wake.
Awali, alidhani ni tatizo dogo la ngozi ambalo lingeisha kwa kutumia vipodozi vya kawaida. Alinunua bidhaa za bei ghali kutoka nje ya nchi, alikwenda kwa madaktari wa ngozi maarufu, lakini jitihada zote zilikuwa bure. Kadiri siku zilivyokwenda, tatizo lilizidi kuwa kubwa na hata wateja wake wa kibiashara wakaanza kumkwepa. Hakukuwa tena na dili za majarida wala matangazo ya bidhaa. Soma zaidi hapa
Post a Comment