Ofa ya Bando la Internet wiki BURE Bonyeza HAPA

Ajira Mpya zilizotangazwa leo Bonyeza HAPA

Msimamo wa ligi kuu Tanzania Bonyaza HAPA

Mchezo wa derby umeshapita, focus ya Yanga sasa inahamia kwenye mchezo wa mkondo wa kwanza robo fainali kombe la Shirikisho barani Afrika dhidi ya Rivers United

Mtanange huu utapigwa Jumapili, April 23 huko Nigeria katika uwanja wa Godswill Akpabio uliopo mji wa Uyo

Rivers United walitumia uwanja huo kwenye hatua ya makundi na baadae wakaomba kuruhusiwa kurejea kwenye uwanja wao wa Adokiye Amiesimaka huko Port Harcort ila Shirikisho la soka barani Afrika (CAF) limegomea mabadiliko hayo baada ya kufanyia ukaguzi uwanja huo na kubaini bado haukidhi vigezo

Yanga itakwenda Nigeria ikiwa na lengo moja, kusaka ushindi ugenini na hata ikishindikana kupata matokeo ya sare

Mchezo wa marudiano utapigwa uwanja wa Benjamin Mkapa, April 30 2023

Malengo ya Yanga ni kufuzu nusu fainali ya michuano ya kombe la Shirikisho barani Afrika. Yanga inaweza kufunga msimu huu ikiwa na mataji manne

Iko kileleni mwa msimamo wa ligi kuu ya NBC kwa tofauti ya alama tano dhidi ya Simba inayoshika nafasi ya pili zikiwa zimesalia mechi nne tu, pia iko hatua ya nusu fainali kombe la Shirikisho la Azam, na inasaka nafasi ya kutinga nusu fainali ya kombe la CAF la Shirikisho

Mwanzoni mwa msimu ilitwaa Ngao ya Jamii kwa ushindi wa mabao 2-1 dhidi ya Simba