NABI tuko tayari, awagusia Feisal na Doumbia, wawili kuikosa TP Mazembe
NABI tuko tayari awagusia Feisal na Doumbia wawili kuikosa TP Mazembe, Matokeo ya Yanga vs TP Mazembe CAF Confederation Cup, matokeo Yanga SC TP Mazembe DR Congo, Yanga SC vs TP Mazembe Kombe la Shirikisho 2022/2023, Yanga SC vs TP Mazembe DR Congo CAF Confederation Cup 2022/2023.
NABI tuko tayari, awagusia Feisal na Doumbia, wawili kuikosa TP Mazembe
KOCHA Mkuu wa Klabu ya Young Africans, Nasreddine Nabi amesema kuwa Kikosi chake kiko tayari kwa mchezo wa kombe la Shirikisho dhidi ya TP Mazembe utakaochezwa kesho Jumapili ya February 19 kwenye Uwanja wa Benjamin Mkapa Jijini Dar es salaam.
Akizungumza katika Mkutano na Wanahabari, Nabi amesema kuwa baada ya kupoteza dhidi ya US Monastir, wamefanyia kazi mapungufu yaliyojitokeza katika mchezo huo na sasa wako tayari kuikabili TP Mazembe.
NABI tuko tayari awagusia Feisal na Doumbia wawili kuikosa TP Mazembe
Aidha Nabi amewaomba radhi Mashabiki na Wanachama wa Klabu hiyo kutokana na Matokeo hayo ambayo waliyapata baada ya kufanya makosa.
“Tunawaomba radhi Mashabiki na Wanachama wetu kwa kupoteza mchezo dhidi ya Monastir. Yalikuwa makosa yetu lakini tumepata muda wa kufanyia kazi mapungufu yote na sasa tuko tayari kwa mchezo unaofuata dhidi ya TP Mazembe”
“Mashindano haya hayamaliziki kwa mechi moja hivyo bado tunayo nafasi ya kufanya vizuri katika mechi zote zinazofuata”
“Morali ya wachezaji iko juu, wanajituma mazoezini na kuonyesha wanataka kushinda dhidi ya TP Mazembe. Hali hiyo inanipa matumaini kuona tutakuwa na mchezo mzuri hapo kesho,” amesema Nabi
Kocha huyo raia wa Tunisia amebainisha kuwa katika mchezo huo atawakosa wachezaji wawili ambao ni Bernard Morrison ambaye ni majeruhi na Salum Abubakar ‘Sure Boy’ ambaye anauguliwa na mtoto.
Nabi pia amesema kuwa kiungo Mshambuliaji Stephen Aziz Ki atafanyiwa tathmini baada ya mazoezi ya mwisho leo jioni kuona utayari wake akiwa amekosa mazoezi kwa siku mbili kutokana na matatizo ya kifamilia.
Nabi pia aliyajibu maswali ya wanahabari waliowaulizia Wachezaji Mamadou Doumbia na Feisal Salum ‘Fei Toto’
Nabi amesema Doumbia anaendelea kufanya mazoezi na Wachezaji wenzake na sababu pekee inayomfanya hachezi kwa sasa ni kwa kuwa hana muunganiko na wenzake wakati suala la Feisal amesema sio kipaumbele kwa sasa kwa sababu kwa muda wote ambao amekosekana Wachezaji wengine wametekeleza vyema majukumu yao.
“Feisal ni Mchezaji mzuri, tunafahamu bado ana mkataba na Yanga hivyo akirudi tutamkaribisha kwa mikono miwili lakini hata asiporudi sio kwamba Yanga haitaendelea”
“Wachezaji na makocha wanapita lakini Yanga itaendelea kubaki. Katika mwezi mmoja ambao amekosekana sisi benchi la ufundi tulitengeneza timu kwa kuzingatia Wachezaji tulionao”
“Focus yetu kwa sasa ni mchezo dhidi ya TP Mazembe ambao tunahitaji kushinda,” alimaliza Nabi.
- WAFUNGAJI Wanaoongoza kwa Ufungaji Ligi Kuu
- RATIBA ya Yanga CAF Confederation Cup 2022/2023 hatua ya Makundi
- RATIBA ya Simba CAF Champions League hatua ya Makundi
Nijuze TV ni App ambayo ukiwa nayo utaweza kutazama mechi za Ligi Kuu Tz Bara (NBC PREMIER LEAGUE) EPL, WORLD CUP, EPL, LALIGA, SERIA, LIGUE 1, BUNDESLIGA na Ligi nyingine nyingi.
DONWLOAD NIJUZE TV HAPA SISI kwetu Michezo ndiyo Furaha YETU.
The post NABI tuko tayari, awagusia Feisal na Doumbia, wawili kuikosa TP Mazembe appeared first on Nijuze Mpya.
No comments:
Post a Comment