Mayele Bado Ana Jambo Lake na Simba-Michezoni leo - EDUSPORTSTZ

Latest


 

Mayele Bado Ana Jambo Lake na Simba-Michezoni leo

STRAIKA tegemeo hivi sasa wa Yanga Mkongomani, Fiston Mayele amesema kuwa wanahitaji pointi zote za Ligi Kuu Bara ikiwemo dhidi ya Simba.

Kauli hiyo ameitoa ikiwa ni siku chache tangu atoke kuwafunga Simba katika mchezo wa Ngao ya Jamii uliochezwa Uwanja wa Mkapa, Dar.

Katika mchezo huo, Yanga walifanikiwa kupata ushindi wa bao 1-0 ambalo lilifunga na mshambuliaji huyo akimalizia pasi safi ya Farid Mussa.

Akizungumza na Championi Jumatatu, Mayele alisema kuwa licha ya kuwafunga Simba katika Ngao ya Jamii lakini bado wanahitaji pointi tatu katika ligi.

Mayele alisema kuwa kikubwa wanazitaka pointi tatu za Simba kwa ajili ya kulinda heshima ya timu yao ya Yanga.

Aliongeza kuwa amejipanga vema kuhakikisha wanapata pointi tatu katika kila mchezo wa ligi kwa kutumia vizuri kila nafasi atakayoipata katika kufunga mabao.

\“Pointi tatu kwetu ni kitu muhimu na cha kwanza, hivyo ili tuzipate hizo ni lazima sisi washambuliaji tutumie vema kila nafasi tutakayoipata ndani ya uwanja.

“Na hili tufanikishe malengo yetu ya ubingwa lazima tupate matokeo mazuri katika kila mchezo tutakaoucheza katika msimu huu.

“Na kati ya mchezo ambao tunauhitaji wa pointi tatu, basi ni dhidi ya Simba ambao tuliwafunga katika mchezo wa Ngao ya Jamii,” alisema Mayele.

WILBERT MOLANDI, Dar es Salaam

The post Mayele Bado Ana Jambo Lake na Simba appeared first on Global Publishers.





Download our APP from Google Playstore using the link here>>>

Join Our Telegram Channel for Daily Updates CLICK HERE

No comments:

Post a Comment


 

Je Wajua??



Download our APP from Google Playstore using the link here>>>

Join Our Telegram Channel for Daily Updates CLICK HERE

Edusportstz