Ndemla, Ame Watoa Neno Mtibwa Sugar-Michezoni leo - EDUSPORTSTZ

Latest


 

Ndemla, Ame Watoa Neno Mtibwa Sugar-Michezoni leo

BAADA ya kukamilisha usajili wao wa mkopo wa kujiunga na Mtibwa Sugar, Said Ndemla na Ibrahim Ame wametamba kuifanya klabu hiyo kuleta ushindani wa kweli katika Ligi Kuu Tanzania Bara kwa msimu ujao.

Said Ndema ambaye ni kiungo mshambuliaji na Ibrahim Ame ambaye ni beki wa kati wamejiunga na Mtibwa Sugar kwa mkopo wa msimu mzima.

Akizungumza na Championi Jumatatu, Ndemla alisema kuwa mlengo yake kama mchezaji wa Mtibwa ni kuisaidia timu hiyo ili kuweza kufanya vizuri katika msimu ujao wa ligi na kufikia malengo ambayo wamejiwekea.

“Malengo yangu nikiwa kama mchezaji ni kuhakikisha kuwa naisaidia Mtibwa kuweza kufanya vizuri, nitapambana kwa ajili ya hilo nikishirikiana na wachezaji wenzangu na viongozi wa Mtibwa,”alisema Ndemla.

Naye Ibrahim Ame, alisema kuwa :“Kila kitu kipo sawa, kilichobaki ni kusubiri msimu uanze ili tupambane kwa ajili ya Mtibwa Sugar, malengo ni kufanya vizuri tofauti na misimu miwili iliyopita ambapo haikuwa mizuri kwa timu na sisi kama wachezaji tupo tayari kwa mapambano,”alisema beki huyo.

MARCO MZUMBE, Dar es Salaam

The post Ndemla, Ame Watoa Neno Mtibwa Sugar appeared first on Global Publishers.





Download our APP from Google Playstore using the link here>>>

Join Our Telegram Channel for Daily Updates CLICK HERE

No comments:

Post a Comment


 

Je Wajua??



Download our APP from Google Playstore using the link here>>>

Join Our Telegram Channel for Daily Updates CLICK HERE

Edusportstz