-->

Type something and hit enter

By On



Pakua App ya 'EDUSPORTSTZ NEWS' Uweze kufurahia Habari zote za Mapenzi; Udaku, Ajira na Michezo kila siku Ipo Google Playstore, Kwa Ku BONYEZA INSTALL ili KUIDOWNLOAD Kwenye Simu yako na Kuasoma habari zote hata kama hauna MB

KLABU ya soka ya Barcelona ya Hispania, imesemaitachukua “hatua za kisheria” dhidi ya gazeti la Hispania la El Mundo baada ya kuchapisha maelezo kuhusu mkataba wa mshambuliaji, Lionel Messi, wa pauni milioni 492.

 

 

Barcelona ilikanusha kuhusika kwa namna yoyote ile katika uchapishaji wa taarifa hizo. Kwa mujibu wa El Mundo, mkataba wa Messi wa miaka minne ulikuwa wa thamani ya takriban euro 555,237,619 hadi Juni 30, 2021. Hii inamaanisha kuwa kijana huyo mwenye umri wa miaka 33, atakuwa anapokea pauni milioni 123 kwa msimu.

 

 

Barcelona imesema katika taarifa iliyotoa kuwa “inasikitishwa na uchapishaji wa maelezo hayo”. Na kuongeza kuwa: “FC Barcelona haihusiki kwa namna yoyote ile katika uchapishaji wa taarifa hiyo na itachukua hatua stahiki za kisheria dhidi ya gazeti la El Mundo, kwa uharibifu wowote ule ambao huenda umetokea kwa sababu ya taarifa hiyo.

 

 

“FC Barcelona imeonyesha kumuunga mkono Lionel Messi, hasa katika jaribio lolote la kumdhalilisha na kuharibu uhusiano wake katika klabu hiyo ambako amefanya kazi na kuwa mchezaji bora duniani na katika historia ya soka.”

 

 

Mchezaji huyo wa kimataifa wa Argentina,  alijiunga na Barcelona akiwa na umri wa miaka 13 lakini akatuma ombi la kutaka aruhusiwe kuhamia kwingineko mnamo mwezi Agosti. Bado haijafahamika ikiwa atabaki katika klabu hiyo wakati mkataba wake utakapomalizika.

 

 

Messi ni mchezaji wa Barcelona aliyeweka rekodi katika ufungaji wa magoli mengi na ameshinda makombe 10 ya La Liga, Ligi ya mabingwa mara nne na tuzo ya Ballon d’Or – alipewa tuzo mara sita ya mchezaji bora duniani.

 

 

Ombi lake la kutaka kuondoka Barcelona lilifuatiwa na kutoelewana kati yake na rais wa klabu hiyo, Josep Maria Bartomeu, aliyeacha kazi hiyo mnamo mwezi Oktoba. Messi, anayeelezea utawala wa Bartomeu kama “janga”, alisema mnamo mwezi Desemba: “Bado sijajua nitakachofanya.”

The post Mkataba wa Messi Wavuja, Barca Wageuka Mbogo appeared first on Global Publishers.



Click to comment
 
Blog Meets Brand