-->

Type something and hit enter

On




 BONDIA Twaha Kiduku ameeleza kuukubali uwezo wa Hassan Mwakinyo na kumtaja kuwa ni bondia bora ila akamtahadharisha asije akalewa sifa kwa mafanikio anayopitia sasa ulingoni.

 

 

Twaha bondia namba mbili kwa ubora nchini kwenye uzani wa super welter, nyuma ya Mwakinyo, amempongeza mpinzani wake huyo kwa uwezo aliouonyesha hivi karibuni alipotetea ubingwa wa Mabara wa WBF kwa ushindi wa TKO dhidi ya Jose Carlos Paz wa Argentina.

 

Pakua App MPYA ya 'EDUSPORTSTZ NEWS-(Lite Version)' Uweze kufurahia Habari zote za Mapenzi; Udaku, Ajira na Michezo kila siku Ipo Google Playstore, Kwa Ku BONYEZA HAPA KUIDOWNLOAD Kwenye Simu yako Utasoma habari zote hata kama hauna MB

 

“Ni pambano ambalo Mwakinyo alicheza vizuri mno, kuanzia raundi ya kwanza hadi ya nne aliposhinda. Nilikuwa ukumbini na kushuhudia na nilikwenda kumpongeza kwa namna alivyocheza.

 

 

“Nilitamani kumpa ushauri huu, lakini mazingira hayakuwa rafiki pale, nimsisitize tu mdogo wangu na bondia mwenzangu kuendelea kukaza afanye vizuri zaidi ya anavyofanya sasa. Isije ikatokea akalewa sifa atapotea,” alisema #Twaha anayemzidi Mwakinyo miaka mitatu akiwaambia waandishi wa habari.

 

 

Akaongeza, “Mwakinyo namuamini hana masihara na mazoezi, ninachoweza kumwambia aendelee kukaza hivyohivyo ili azidi kufanya vizuri na kuitangaza ‘boxing’ ya Tanzania kimataifa kama walivyofanya waliomtangulia na mabondia wengine wanaopigana sasa nikiwamo mimi.”

 

 

Kuhusu kuwa na ndoto za kuzichapa na bondia huyo, #Kiduku amesisitiza kuwa bado mpango huo upo na unacheleweshwa na #Mwakinyo mwenyewe.

 

“Natamani itokee akubali kupigana na mimi, ila naamini ipo siku itatokea tu na pambano kati yangu na Mwakinyo utapigwa,” amesisitiza.

Click to comment
 
Blog Meets Brand